Beth yw cynllun teithio llesol ysgol?

Cynllun Teithio Llesol Ysgol yw rhestr o gamau gweithredu y mae pob ysgol yn ymrwymo iddynt, gyda'r nod o ysbrydoli disgyblion, rhieni, gwarcheidwaid, a staff i gerdded, olwyno neu feicio i’r ysgol gan leihau dibyniaeth ar gerbydau preifat.

Mae’r cynlluniau byr, syml hyn yn cael eu teilwra i anghenion a gweledigaeth unigryw bob ysgol, ac maent yn annog ymagwedd iachach a chynaliadwy at y daith ddyddiol i’r ysgol.

Pam creu cynllun teithio llesol ysgol?

Mae Cynllun Ysgol Teithio Llesol nid yn unig o fudd i’r ysgol ei hun ond mae hefyd effeithiau cadarnhaol ehangach ar y gymuned leol a’r ardal ehangach.

Mae manteision Cynllun Ysgol Teithio Llesol yn cynnwys:

• Gwella diogelwch: Taclo pryderon diogelwch ar y ffyrdd yn ystod cyfnodau danfon a chyrchu
• Unigolion iach a hyderus: Rhoi hwb i weithgaredd corfforol, hybu annibyniaeth a llesiant, a mynd i’r afael â gordewdra ymysg plant yng Nghymru
• Gwella canolbwyntio yn yr ystafell ddosbarth: Gwella sylw a diddordeb plant drwy’r argymhelliad i wneud ymarfer corff am 30 munud bob dydd
• Amrywio dulliau cludiant: Ehangu’r opsiynau ar gyfer teithio i’r ysgol
• Mynediad at gyllid: Sicrhau cyllid gan Lywodraeth Cymru. O 2024/2025, dim ond ysgolion gyda chynlluniau teithio llesol fydd yn cael gwneud cais am gyllid Llwybrau Diogel mewn Cymunedau drwy awdurdodau lleol.

Gall creu Cynllun Teithio Llesol Ysgol ar gyfer eich ysgol ddod â phleser a buddion i gymuned gyfan yr ysgol heb alw am lawer o ymdrech.