Tu Fas Tu Fewn Sustrans

Yn dilyn y cyfyngiadau symud ar y Deyrnas Unedig gyfan a gyhoeddwyd gan y Llywodraeth ym mis Mawrth, mae ysgolion yn parhau i fod ar gau am gyfnod, ac anogir teuluoedd i gymryd rhan mewn dysgu o gartref.

Wedi’u cynllunio gan ein swyddogion ysgolion profiadol

Mae’r adnoddau wedi cael eu datblygu gan weithlu arbenigol Sustrans o swyddogion ysgolion, sy’n meddu ar gyfoeth o brofiad o ddatblygu adnoddau difyr ac addysgol sy’n addas i ysgolion.

Mae’r pecyn yn cynnwys amrywiaeth o weithgareddau i’w gwneud yn y tŷ ac yn yr awyr agored, sy’n llawn hwyl, yn addysgol ac yn cadw plant yn egnïol.

Bob wythnos, bydd rhieni’n derbyn pum gweithgaredd ar themâu llesiant, symud y corff, bod yn greadigol, archwilio a rhyddid i chwarae, ynghyd â her a gêm i blant gael bod yn egnïol tra maen nhw’n aros gartref.

Mae’r rhaglen yn rhan o gylchlythyr ar gyfer rhieni gan Sustrans, sy’n cynnwys dolenni i syniadau ar gyfer beicio a cherdded a chynnwys arall defnyddiol i helpu teuluoedd gerdded, beicio a sgwtera.

I ddysgu mwy am Tu Fas Tu Fewn Sustrans, ewch draw i’r dudalen gofrestru ac adnoddau ar gyfer rhieni