Gall dysgu sut i reidio beic am y tro cyntaf bod yn foment gyffrous a llonnol heb ots eich oedran. Mae’n dangos dechreuad o ffordd hollol newydd i wneud teithiau beunyddiol ac anturio trwy’r byd. Mae dysgu plentyn sut i reidio beic yn anrheg maent yn gallu trysori hyd ei oes. Ond sut ydych chi'n gallu cefnogi’ch plentyn wrth iddynt drawsnewid o sadwyr i ddwy olwyn? Dyma ein canllaw naw cam.
Beth sydd ei angen arnoch:
- Beic heb sadwyr
- Sbaner er mwyn tynnu’r pedalau a’u rhoi yn ôl ar y beic. Os nad yw chwith a de wedi ei nodi ar y pedalau, gwnewch nodyn eich hun gan fod y pedal chwith yn cydio yn yr edau i’r gwrthwyneb i’r dde.
- (Dewisol) camera i gofnodi’r foment fawr.
Gall beicio am y tro cyntaf heb sadwyr fod yn atgof cryf ym mywyd plentyn.
Mae’n gyflawniad a fydd yn helpu i feithrin hyder a theimlad naturiol o antur.
Ac mae dysgu plentyn i reidio beic yn foment hyfryd o wneud cof i chi hefyd.
Dyma ein fideo canllaw 9-cam ar sut i ddysgu plentyn sut i reidio beic heb sadwyr.
Naw cam i reidio beic heb sadwyr
1. Gostyngwch y sedd a thynnwch y pedalau
Mae gostwng y sedd a thynnu'r pedalau'n galluogi'r plentyn i sgwtera ar y beic gan ddefnyddio'i ddwy droed (fel petaent ar feic cydbwysedd). Defnyddiwch y cyfle hwn i ddarparu cyfarwyddyd ar ddefnyddio'r brêcs.
2. Camau cawr
Unwaith mae'r plentyn yn barod, anogwch y plentyn i deithio ymlaen am dua 10 metr gan ddefnyddio camau cawr.
3. Neidiau cangarŵ
Nesaf, anogwch y plentyn i deithio ymlaen am dua 10 metr gan hercian.
4. Rhowch un pedal nôl ymlaen
Naill ai'r dde neu'r chwith, does dim gwahaniaeth. Sicrhewch bod y plentyn yn gyfforddus ar y beic ac yn teimlo'n ddiogel. Ffordd hawdd o wneud hyn yw gofyn iddynt i siglo'r beic tra'n gwasgu'r brêcs.
5. Sgwtera gydag un pedal
Gydag un troed ar y pedal, anogwch y plentyn i sgwtera 'mlaen gan ddefnyddio'r droed arall. Sicrhewch fod y plentyn yn edrych i fyny. Stopiwch ar ôl tua 10 metr.
6. Y ddau bedal ymlaen
Rhowch y pedal arall ymlaen. Siglwch (tra'n gwasu'r brêcs) i ddangos fod y beic yn sefydlog a diogel.
7. Cynnig cyntaf
Gafaelwch yn y plentyn, nid y beic. Esboniwch eich bod chi am afael ar gefn ac ysgwyddau/bôn braich y plentyn. Gofynnwch iddynt roi' traed ar y pedalau a sicrhewch fod nhw'n barod. Anogwch y plentyn i edrych i fyny, rhyddhau'r brêcs a phedlo. Stopiwch ar ôl tri i bump metr.
8. Ail gynnig
Siglwch (tra'n gwasgu'r brêcs). Cydiwch yn y plentyn fel y tro blaenorol, gofynnwch iddynt roi' draed ar y pedalau. Anogwch nhw i edrych i fyny. Os yw'r llwybr yn glir, cyfrwch i lawr o dri ac anogwch y plentyn i ryddhau'r brêcs a phedlo ymlaen. Rhyddhewch eich gafael ar ôl ychydig o gamau, ac yna camwch yn ôl i orbwysleisio'r pellter a deithiwyd. Gwaeddwch 'stop' ar ôl 5 - 10 metr. Nawr cyfrwch y camau fel iddynt weld pa mor bell maent wedi teithio.
9. Trydydd cynnig
Y tro hwn, lleihewch faint yr ydych yn cydio yn y plentyn drwy afael yn ei ddillad gydag un llaw ac yng nghyrn llywio'r beic gyda'r llall. Ailadroddwch y camau blaenorol, gan ryddhau eich gafael ar ôl ychydig o gamau a gadael iddynt teithio mor bell a ddymunwyd.
Pethau i’w cofio wrth dysgu plentyn i reidio beic heb sadwyr
- Dewch o hyd i ardal dawel a didraffig, megis llwybr beicio neu rhywle sydd â’r glaswellt wedi’i dorri’n fyr neu sydd â tharmac.
- Gall goledd ychydig ar i lawr fod o gymorth yn aml.
- Cadwch lygad am y peryglon megis cerddwyr, cŵn, peli a cherbydau.
- Gwnewch yn siŵr fod y pedalau wedi eu rhoi’n ôl yn gywir.
Dewch o hyd i lwybr di-draffig ar y Rhwydwaith Beicio Cenedlaethol.