#AndSheCycles

Rydym eisiau ehangu mynediad at offer a rhannu gwybodaeth fel bod mwy o ferched yn eu harddegau'n dewis i feicio.

Kayla-Marie

Rwy'n teimlo'n lot fwy hyderus yn beicio oherwydd y sesiynau #AndSheCycles.

Doeddwn i ddim yn gallu gwneud rampiau neu draciau pwmp o'r blaen ond nawr rwy'n teimlo fel y gallaf.

Beth yw #AndSheCycles?

Nod #AndSheCycles yw mynd i'r afael â'r rhwystrau sy'n wynebu merched a menywod ifanc yn eu harddegau wrth feicio.

Rydym eisiau helpu ysgolion a mudiadau ieuenctid i rymuso ac annog merched yn eu harddegau i fynd ar feiciau trwy greu mannau diogel iddynt feicio.

Mae wedi cael ei ysbrydoli gan ac yn cydweithio â'r ymgyrch Ysgolion Gwyrdd Iwerddon o'r un enw.

Mae'r ymgyrch yn gynhwysol o fenywod a merched trawsryweddol a rhyngrywiol, yn ogystal â phobl anneuaidd a rhyweddhylifol sy'n gyfforddus mewn gofod sy'n canoli profiad menywod ifanc.

Cafodd #AndSheCycles ei ddatblygu ar y cyd yn 2020 gan grŵp o ferched ifanc rhwng 13 a 18 oed, ar draws yr Alban o 14 o ysgolion, grwpiau ieuenctid a cholegau gwahanol.

Trwy gyfres o weithdai rhyngweithiol, nododd y bobl ifanc hyn y prif rwystrau sy'n eu hatal rhag dewis beicio.

Roedd rhai o'r rhwystrau mwyaf arwyddocaol yn ymwneud â delwedd:

  • nid ydynt yn gweld merched eraill yn beicio
  • maen nhw'n gweld beicio yn annymunol
  • dywedwyd wrthynt na ddylent seiclo
  • maen nhw'n teimlo'n annifyr neu'n hunanwybodus.

Arweiniodd y grwpiau gwaith yma at sefydlu clybiau beicio merched yn unig a chyfrifon TikTok, Snapchat ac Instagram #AndSheCycles, gan fynd i'r afael â diffyg cynrychiolaeth.

Sut gall pobl ifanc gymryd rhan?

Rydym yn helpu disgyblion hŷn i annog mwy o ferched yn eu hysgol, coleg neu grŵp ieuenctid i fynd yn ôl ar eu beiciau.

Mae'r Rhaglen Llysgenhadon #AndSheCycles yn fenter dan arweiniad disgyblion, gyda chefnogaeth staff yr ysgol a Sustrans.

Bydd disgyblion hŷn, dros 16 oed, a staff yn cael cynnig hyfforddiant a chefnogaeth i helpu i sefydlu a rhedeg eu grwpiau #AndSheCycles eu hunain.

Darganfyddwch fwy am y rhaglen Llysgennad #AndSheCycles.

Gall merched a menywod ifanc hefyd ymuno â'r mudiad #AndSheCycles ar-lein ar Instagram, Snapchat a TikTok.

Mae'r tudalennau hyn wedi'u cynllunio i annog trafodaeth, rhannu gwybodaeth ac adnoddau, a grymuso merched yn eu harddegau i feicio.

Ymunwch â'r sgwrs

Bwriad cyfrifon cyfryngau cymdeithasol #AndSheCycles yw annog trafodaeth, rhannu gwybodaeth ac adnoddau, a grymuso merched yn eu harddegau.

Ymunwch â'r sgwrs ar Instagram.

Sut gall staff ysgol ac arweinwyr ieuenctid gymryd rhan?

Rydym wedi datblygu gweithdy rhyngweithiol ar gyfer staff ysgolion ac arweinwyr grwpiau ieuenctid i ymgysylltu â merched a menywod ifanc yn eu harddegau.

Nod y gweithdy hwn yw sbarduno trafodaeth a'u hannog i ddatblygu eu cynlluniau gweithredu eu hunain.

Dylai'r sesiynau archwilio profiad beicio'r grŵp, mynd i'r afael â'r rhwystrau a'r agweddau tuag at feicio ymhlith eu cyfoedion a chreu cynllun gweithredu grŵp i helpu i fynd i'r afael â'r bwlch rhwng y rhywiau mewn beicio.

Mae gennym ddwy fersiwn wahanol o'r gweithdy sy'n addas ar gyfer faint o amser sydd gennych ac anghenion eich grŵp:

Mae fersiwn un yn cynnwys tair rhan gyda phob sesiwn yn para tua 50 munud, sef dwy awr a hanner i gyd.

Mae'r fersiwn hon yn sesiwn annibynnol fyrrach sy'n para tua 50 munud i gyd.

Darganfyddwch fwy am yr adnoddau sydd ar gael i athrawon.

Rhedwch eich grŵp #AndSheCycles eich hun

Gall y tîm #AndSheCycles ddarparu cefnogaeth, cyngor ac adnodau i'ch helpu i sefydlu eich grŵp eich hun yn eich ysgol neu grŵp ieuenctid.

Mae'r grwpiau #AndSheCycles yn darparu lle diogel i ferched ifanc wella eu hyder beicio, mynd ar anturiaethau beicio gyda'u ffrindiau neu hyd yn oed ddysgu reidio beic am y tro cyntaf.

Darganfyddwch sut i sefydlu grŵp #AndSheCycles.

E-bostiwch ni am gyngor a chefnogaeth.

Os hoffech fwy o wybodaeth am #AndSheCycles neu os hoffech gymryd rhan, cysylltwch â ni.

Anfon e-bost