Beth yw’r rhaglen Teithiau Iach?

Teithiau Iach yw ein rhaglen ysgolion a ariannir gan Lywodraeth Cymru sy’n helpu plant ar led y gwlad i deithio mewn modd llesol yn ddiogel, yn hawdd ac yn hyderus i’r ysgol – gan gerdded, olwyno, sgwtera neu feicio.

Rydym yn gweithio gyda pob math o ysgol a’u staff, yn cydweithio ag awdurdodau lleol, i wella ffyrdd a chreu diwylliant sy’n cefnogi disgyblion wrth iddynt deithio’n llesol ac mewn modd cynaliadwy.

Mae ein Swyddogion Teithiau Iach yn ddarparu gweithgareddau deniadol i adeiladu’r hyder, brwdfrydedd a sgiliau dysgwyr, athrawon, rhieni a gwarchodwyr yn ein cymunedau.

Mae’r gweithgareddau, gwersi ac adnoddau addysg rydym yn ddarparu’n cefnogi ysgolion yn eu hymdrechion i gyflawni gwobrau Eco-Sgolion ac Ysgolion Iach, yn ogystal â gweithio tuag at Wobr Ysgol Teithio Llesol Sustrans.

Er enghraifft, gan ddefnyddio ein traciwr teithiau Tali Teithio, gall ysgolion cyfri'u teithiau llesol a gweld faint o garbon maent wedi arbed gan ddewis i gerdded, olwyno neu feicio i'r ysgol yn lle defnyddio'r car.

Pam cymryd rhan yn y rhaglen Teithiau Iach?

Mae ysgolion Teithiau Iach yn gweld cynnydd sylweddol yn nifer y bobl ifanc a theuluoedd sy’n teithio’n llesol i’r ysgol – mae cynnydd o 25% ar gyfartaledd ar ôl flwyddyn o gefnogaeth gan y rhaglen Teithiau Iach.

Mae teithio’n llesol i’r ysgol ac oddi nol yn helpu gwella iechyd corfforol a lles cymuned yr ysgol, yn ogystal â gwella canolbwyntio, perfformiad ac ymddygiad.

Yn syml, mae teithio llesol yn arwain at unigolion sy’n iachach ac yn fwy hyderus.

Mae ein dull cydweithredol, cynhwysol yn cynnwys staff, dysgwyr, rhieni a gwarchodwyr yn y gwaith cynllunio a darparu, sy’n grymuso ysgolion i fod yn annibynnol a chreu newidiadau cadarnhaol ar gyfer y cymuned ehangach trwy ymddygiadau teithio cynaliadwy.